Ætla at brúka fótfjøtur í Føroyum

Uppskotið um at brúka fótfjøtur í Føroyum er nú gjørt og sent til hoyringar.

Uppskotið kemur úr Danmark, men landsstýrið hevur biðið um tað.

Kriminalforsorgin gjørdi í 2021 og 2022 eitt upprit um møguleikan at brúka fótfjøtur í Føroyum.

Niðurstøðan er, at tað ber til at gera somu skipanir, sum tey hava í Danmark.

Lógarásetingarnar í lógini um revsifulnað um fótfjøtur og um útslúsing, tað er at beina fólki á rætta kós, skal koma í gildi 1. juli næsta ár.