Kanningin um Jacob Vestergaard er liðug

Kanningin um embætisførsluna hjá Jacobi Vestergaard, tá hann var landsstýrismaður í fiskivinnumálum, er liðug.

Hon verður latin løgtinginum í hesari vikuni, sigur kanningarstjórin, Ken Nónklett.

Løgtingið bað um kanningina.

Bjørt Samuelsen, løgtingsforkvinna, sigur, at tíðindafundur verður, tá løgtingið fær kanningina.

Kannast skuldi, hvussu Jacob Vestergaard lutaði út fiskirættindi í 2020 og 2021.

Jacob Vestergaard hevur havt kanningina til hoyringar.

Ken Nónklett, advokatur, var biðin um at vera kanningarstjóri fyrst í mars í fjør.