Frá 5G til 6G

USA og Finnland ætla sær at samstarva um næsta skjóta fartelefonnetið, 6G.

Uttanríkisráðharrarnir í londunum báðum hava skrivað undir eina váttan um, at londini skulu samstarva um at menna komandi tøknina.

Tað skrivar Ritzau, nú amerikanski uttanríkisráðharrin, Antony Blinken, er á vitjan í finska høvuðsstaðnum, Helsinki.

- G6 er kjarnin í komandi tøkniligum framlopum hjá Finnlandi, og samstarvið við USA styrkir okkara møguleikar, sigur finski samskiftisráðharrin, Tumo Harakka.

Uttanríkisráðharrarnir, Anthony Blinken og Pekka Haavisto, skrivaðu undir avtaluna.