Kanska fæst innlit

Fyrsta dagin verður kunngjørt, um innlit skal latast í frágreiðingina, sum landsstýrið fekk gjørda um russiskt virksemi í Føroyum.

Fyrisitingin viðger í løtuni spurningin, um innlit skal latast.

Niðurstøða verður væntandi gjørd fyrsta dagin, sigur Aksel V. Johannesen, løgmaður, í svari  til Johan Dahl, løgtingsmann.

Tey, sum higartil hava biðið um innlit í frágreiðingina, hava biðið um tað til fánýtis.

Løgmaður sigur eisini, at nakrir fyrispurningar hava verið úr Russlandi um, hvørjar reglur eru galdandi í Føroyum um kongafisk, sum russiskir trolarar fiska í Irmingarhavinum og landa ella umskipa í føroyskum havnum.