Threads setir met

Nýggja appin hjá Meta – Threads – hevur sett met. 

Tað eru fimm dagar, síðani appin kom á marknaðin, og longu nú eru skrásettir 100 milliónir brúkarar. 

Tað skriver Mark Zuckerberg, stjóri í fyritøkuni Meta, sambært Reuters. 

Eingin annar sosialur miðil hevur skrásett 100 mílliónir brúkarar eftir fimm døgum, og hetta er sostatt met. 

ChatGPT, sum kom á marknaðin í fjør, fekk 100 milliónir brúkarar eftir tveimum mánaðum.   

Threads er tøkt at taka niður í meira enn 100 londum, men ymsar reglur í ES gera, at appin ikki er tøk í ES-londum enn.