Íslendsk fiskiskip sleppa ikki í russiskan sjógv

Íslendska stjórnin hevur fleiri ferðir noktað íslendskum fiskiskipum at fara í russiskan sjógv.

Íslendsk reiðarí hava biðið um loyvi at sleppa í russiskan sjógv.

Ísland hevur rættindi har sambært sáttmálanum um Smoguna.   

Smogan er í altjóða sjógvi. Íslendingar játtaðu at gevast við fiskiskapinum har, aftur fyri atgongd til russiskan sjógv og norskan sjógv.

Felagið hjá fyritøkunum í íslendsku fiskivinnuni tekur tó undir við, at íslendsk skip ikki fara í russiskan sjógv at fiska, sum støðan er nú.

- Ongum kemur til hugs at senda íslendsk skip í russiskan sjógv sum støðan nú er, sigur Ólaf­ur H. Marteins­son, formaður í felagnum, við Morgunblaðið.

Hann sigur, at íslendska stjórnin eigur at geva fiskiskipunum loyvi til at fara í Smoguna, nú tey ikki kunnu brúka rættin, tey hava í russiskum sjógvi.

Þór­dís Kol­brún Reyk­fjörð Gylfa­dótt­ir, utt­an­rík­is­ráðharri, sigur við Morgunblaðið, at støðan um fiskiskapin eigur at vísa, hvar Ísland er statt viðvíkjandi fordømingini av framferðini hjá Russlandi.