Dagføra nú loftferðslulógina

Loftferðslulógin, sum er galdandi í Føroyum, skal dagførast. Hon er frá 2013.

Lógin er ikki í fullum samsvari við loftferðslulógina, sum er galdandi í Danmark.

Uppskot um dagføringina er til hoyringar.

Í lógini, sum nú er, vanta reglur um at søkja um ymisk loyvi við talgildum loysnum, og ásetingar um, at tað er loyvt at seta bilin frá sær í styttri tíðarskeið, tá ørindini á flogvøllinum eru stutt.

Dronur og kærur

Heldur ikki eru tíðarhóskandi reglur um at flúgva við dronu, og dagførdar reglur um at viðgera kærur frá ferðafólkum.

Heldur ikki er heimild at lata tjóðarskránna, sum er skráin, har flogfør, eigaraviðurskifti og aðrar upplýsingar vera skrásettar, vera partvíst almenna.

Meginparturin av uppskotinum eru reglur um dronuflúgving. 

Broytingar skulu gerast í nógvum lógum.