Revsa russisk mótstøðufólk móti krígnum í Ukraina

Russiskir myndugleikar gera alt fyri at fáa tey, sum eru ímóti krígnum í Ukraina, at tiga.

Sambært nýggjari frágreiðing frá Amnesty International vóru 21.000 mótstøðufólk í 2022 revsað, tí tey hava sagt seg vera ímóti russisku innrásini. 

Tað skrivar danska kringvarpið.

Fólkini hava annaðhvørt verið hildin í varðhaldi ella fingið bøtur.

Fólk verða fyrst og fremst revsað fyri at vera við í friðarligum mótmælisgongum á gøtunum, ella fyri at tosa ilt um kríggið á netinum.

Sambært Amnesty er talan sjáldan um rættvísar avgerðir.

Til dømis verða próvførslur frá verjuni ofta skúgvaðar til viks av dómarum, sum í staðin einans hyggja at frágreiðingunum hjá løgregluni, verður sagt.