Fleiri hundrað Airbus320-neo krevja umvæling. Men ikki tey føroysku

1.200 motorar hjá Airbus320-neo av slagnum Pratt & Whitney skulu takast sundur og umvælast.

Tað tekur upp til 60 dagar fyri hvønn motor.

Atlantic Airways hevur tvey Airbus320-neo flogfør.

Men tey hava ikki Pratt & Whitney motorar.

Tey hava CFM motorar.

Pratt & Whitney motorarnir skulu umvælast næsta árið, tí verksmiðjan er komin eftir, at dálkandi evni eru í málmpulvuri, sum verður brúkt í motorunum.

Hesi evni kunnu gera, at ørsmáar rivur koma í turbinuskivurnar. Rivurnar kunnu elva til málmmøði.

Ov fáir mekanikarar og eykalutir

Tað ger ikki støðuna frægari, at trot er á mekanikarum og eykalutum.

1.200 av stívliga 3.000 motorum, sum vóru gjørdir til Airbus flogfør árini 2015 til 2021 skulu umvælast. 

200 skulu kannast longu nú, tað er fyri hálvan september.

Hinir skulu kannast næsta árið.

RTX Corporation, sum ger Pratt & Whitney motorar, sigur, at teir motorar, sum nú vera gjørdir, hava ikki trupulleikan, sum teir 1.200 hava.

Millum flogfeløgini, sum hava flogfør við motorunum, sum krevja umvæling, eru Spirit Airlines, JetBlue Airways og Wizz Air.