Tingsetan byrjar í dag

Tingsetan 2023-2024 byrjar í dag.

Sum vant verður tingið sett ólavsøkudag klokkan eitt.

Tá heldur løgmaður, Aksel V. Johannesen, sína frágreiðing, ólavsøkurøðuna.

Orðaskifti um hana verður mikudagin, tann 2.august.

Sambært stýriskipanarlógini greiðir løgmaður frá støðu landsins og tí, sum landsstýrið hevur í ætlan at fremja í sínari røðu ólavsøkudag.

Har stendur eisini, at við støði í røðu løgmans tekur tingið innan seks yrkadagar støðu landsins til umrøðu. 

Og í ár verður tað so 2.august.