Sjóhiti skal hita Tinganes

Løgmansskrivstovan hevur síðani í fjør saman við Betri trygging, Landsverki og uttanhýsis ráðgevum fyrireikað eina sjóhitaskipan til teir 22 bygningarnir hjá landinum á Tinganesi og aðrar bygningar har.

Verkætlanin verður mett at kosta 10 milliónir krónur, og landið skal rinda sín lutfalsliga part. 

Fyrireikingarnar eru komnar væl áleiðis, og fyrsta stig er at stovna eitt hitafelag hjá teimum, sum eru við í verkætlanini.

Sjóhitaskipanin fer væntandi at spara landinum nakrar hundrað túsund krónur árliga í oljukeypi, so íløgan verður vunnin inn aftur eftir ávíst áramál, sigur landsstýrið.