Seta fakligan kommunulæknastjóra

Fakligur stjóri skal setast í kommunulæknaskipanini, sigur landsstýrið, ið ætlar, at fakligi stjórin skal hava læknafakligu ábyrgdina í Heilsutrygd. 

Hann skal millum annað tryggja, at fakliga dygdin í kommunulæknaskipanini støðugt verður ment og skal tryggja sama høga góðskustig í øllum landinum.

Harafturat skal fakligi stjórin hava ábyrgdina av læknavaktini og starvsfólkunum, sum starvast í henni.

Trý nýggj kommunulæknastørv eru komin, í Norðoya læknadømi, Fuglafjarðar læknadømi og í Suðurstreymoyar læknadømi. 

Nú eru 37 kommunulæknaviðtalur í Føroyum.