Ongantíð kjarnorkubumbu aftur

Í dag eru 78 ár liðin síðani fyrsta kjarnorkubumban varð slept niður yvir japanska býin og 140.000 fólk lótu lív, og tríggjar dagar seinni kravdi enn ein kjarnorkubumba 74.000 fólkum lívið í Nagasaki.

- Sum einasta tjóð, ið hevur verið fyri kjarnorkubumbing í kríggi, vil Japan framvegis arbeiða fyri einum kjarnorkufríum heimi, segði forsætisráðharrin Fumio Kishida á einum minningarhaldi í Hiroshima í morgun.

- Hetta er ein tofør leið at ganga, tí heimurin stendur spjaddur, tá ið tað snýr seg um at steðga kappdubbingini og orsakað av russisku kjarnorkuhóttanunum, segði hann.