Trump handtikin og latin leysur móti veðhaldi

Donald Trump gav seg í nátt, føroyska tíð, yvir til statin Georgia. 

Fyrrverandi amerikanski forsetin møtti sjálvur upp í Fulton County, har hann fyrst formliga varð handtikin og síðan leyslatin móti veðhaldi 20 minuttir seinni. 
 
Avtala var frammanundan gjørd um kostnaðin fyri veðhaldið, ið var 200.000 dollarar, ella umleið 1,4 milliónir krónur. 

Tað vísa rættarskjøl, sum CNN hevur fingið innlit í. 

Donald Trump varð í síðstu viku ákærdur í 13 viðurskiftum, í sambandi við at royna at ávirka úrslitið av forsetavalinum í USA í november í 2020. 

Brotsmannamynd

Donald Trump legði í morgun sjálvur eina sonevnda brotsmannamynd á sosiala miðlin X. Hetta er ein mynd, ið vanliga verður tikin av øllum, ið verða handtikin í USA. 

Hetta er fyrstu ferð síðani 8. januar í 2021, at Trump hevur lagt nakað út á sosiala miðilin, skrivar DR. 

Seinast var, tá ið hann skrivaði "Uppílegging av valinum. Gevið ongantíð upp". Ein skrivlig útsøgn, ið fleiri vilja vera við var orsøkin til, at túsundtals uppreistrarfólk tveir dagar seinni trokaðu seg inn í amerikonsku kongressina.