Granskarar kannað møguleikarnar fyri at ala fisk og skeljadjór

Granskarar á Fiskaaling hava í samstarvi við Hiddenfjord, DTU Aqua og Scottish Association for Marine Science kannað møguleikarnar fyri at ala fisk og skeljadjór so mikið tætt saman, at skeljadjórini kunnu liva av skarni frá alifiskinum og harvið minka um árinið á umhvørvið. 

Millum annað er kannað hvussu nógv kræklingur kann minka um umhvørvisárinið av skarni.

Úrslitini vístu, at bert ein evarska lítil partur av skarninum verður upptikin, tá kræklingurin er við vatnskorpuna við síðuna av aliringunum, og tí minkar tað nærum ikki um umhvørvisárinið. 

Um umstøðurnar við tættleika av kræklingi, streymviðurskifti og søkkiferðin á skarni vóru optimalar, hevði kræklingurin minkað nakað meira um umhvørvisárinið, men framvegis ikki stórliga.

Gunnvør á Norði, granskari á Fiskaaling, er høvuðsrithøvundur á greinini. Afturat henni hava Birgitta Andreasen og Tróndur T. Johannesen frá Fiskaaling verið partur av arbeiðnum umframt granskarar úr Norra, Danmark og Stórabretlandi.