Færri næmingar í flokkinum krevja skúla fyri hálva milliard

Heðin Mortensen, borgarstjóri í Tórshavnar kommunu, fýlist á, at landsstýrismaðurin ikki hugsar um fíggjarligu byrðarnar, sum broytingin fær fyri kommunurnar

Ætlanin er, at í mesta lagi 20 næmingar skulu vera í hvørjum flokki í framtíðini. (Savnsmynd: Bjarni Árting Rubeksen)

Hallur av Rana

Durita Fagradal Augustinussen

12.09.2023 - 10:49

Tað fer at kosta Tórshavnar kommunu umleið ein hálva milliard krónur at byggja hølir, um færri næmingar skulu vera í hvørjum flokki.

Tað sigur Heðin Mortensen, borgarstjóri.

Heðin Mortensen, 16:9

Heðin Mortensen, borgarstjóri í Tórshavnar kommunu. (Mynd: Bjarni Árting Rubeksen)

Hann finst at ætlanini hjá landsstýrismanninum í skúlamálum, og vísir á, at tað fer at skapa eina røð av trupulleikum fyri høvuðsstaðarkommununa.

Og Heðin Mortensen fýlist á, at Djoni Nolsøe Joensen ikki hugsar um fíggjarligu byrðarnar, sum broytingin fær fyri kommunurnar.

Hoyr innslag í útvarpstíðindunum:

12092023_Hedin_um_naemingatal

Djóni Nolsøe Joensen

Djóni Nolsøe Joensen, landsstýrismaður.

Fyrireikingarnar ikki lidnar

Hóast fyrireikingarnar ikki eru lidnar, ætlar Djóni Nolsøe Joensen, landsstýrismaður í barna- og útbúgvingarmálum, at í mesta lagi 20 næmingar skulu vera í hvørjum flokki í skúlaárinum 2024/25.

Í januar var ein frágreiðingum trivnað hjá føroyskum børnum, handað Djóna Nolsøe Joensen.

Eitt av tilmælinum í frágreiðingini var at minka flokkarar, soleiðis at færri børn vera í hvørjum flokki.

Hoyr innslag í útvarpstíðindunum:

12092023_Djoni_um_naemingatal