Óvist um samráðingar við Russland bera á mál

 - Vit eiga at fyrireika okkum til, at fiskiveiðusamráðingarnar við Russland ikki bera á mál. 

Tað sigur Dennis Holm, landsstýrismaður í fiskivinnumálum.

Landsstýrið viðger í løtuni, um Føroyar skulu samráðast um nýggja fiskiveiðiavtalu við Russland næsta ár. 

Støða skal eisini takast til, hvat skal gerast, um 45 ára gamla fiskivinnusamstarvið við russar av onkrari orsøk dettur niðurfyri.

- Leggjast mál upp fyri øllum møguleikum, sigur Dennis Holm.

Hoyr innslag í útvarpstíðindum:

Fiskiveiðusamstarvið við Russland er eitt tað elsta fiskiveiðusamstarvið, sum Føroyar hava við eitt annað land, har býtt verður um fisk.

Sáttmálin er galdandi eitt ár í senn, og hann fer úr gildi 31. desember.