Danir lendir úr Tel Aviv

Í morgun komu 82 danskir ríkisborgarar til Danmarkar úr Miðeystri.

Ferðafólkini vóru fyrst flogin til Pafos flogvøllin í Kýpros við einum Hercules hernaðarflogfari.

Tá ið ferðafólkini komu í flogfarið, vóru sálarfrøðingar og sjúkrarøktarfrøðingar um tey alt fyri eitt, greiðir eitt ferðafólk frá.

Eftir tað fóru ferðafólkini í eitt SAS flogfar, sum síðani fleyg til Danmarkar.

- Tað er ein stórur lætti at fáa ferðafólkini heim, sigur Morten Valentin Jensen, talsfólk hjá donsku hernaðarflogdeildini í Aalborg.

- Talan hevur verið um nógvar forðingar og ótryggleika í sambandi við at flyta donsku ríkisborgarnar úr landinum.

Tað eydnaðist so í gjár, og tað var ein stórur lætti at síggja flogfarið lenda í morgun, sigur Morten Valentin Jensen.