Belgiskir miðlar: Gerningsmaðurin deyður

Maðurin, sum hildið verður skeyt og drap tveir sviar og særdi ein annan í Brússel í gjárkvøldið, er deyður. 

Tað skriva belgiskir miðlar fyrrapartin.

Maðurin var undir illgruna fyri at hava skotið og dripið tveir svenskar fótbóltsfjepparar og sært ein annan. 

Vápnið, sum hann brúkti, er eisini funnið.

Yvirgangsmál

Løgreglan skeyt mannin í Schaerbeek-grannalagnum í landnyrðingspartinum av belgiska høvuðsstaðnum.

Álopið í gjárkvøldið verður kannað sum yvirgangsmál.

Løgreglan váttar fyri blaðnum DH, at leitað verður eftir tveimum fólkum aftrat í sambandi við álopið.