Kristersson til minningarhald í Brússel

Svenski forsætisráðharrin, Ulf Kristersson, er á vitjan í Brússel í dag, har hann skal kunnast um yvirgangsálopið, har tveir sviar mánakvøldið vóru skotnir til deyðis.

Kristersson vitjaði fyrrapartin staðið, har álopið varð framt, Sanctelette-torgið  stutt uttan fyri miðbýin í Brússel, har skipað var fyri minningarhaldi.

Hann var í gulum og bláum fótbóltsturriklæði um hálsin.

Blómur og kransar frá stjórnum í fleiri londum vóru løgd á staðið.

Kristersson skal hitta belgisku løgregluna og ákæruvaldið, og hann fer eisini vitja svensku kirkjuna í Brússel.

Minningarhald í Brússel

Blómur og kransar vóru løgd á staðið, har svensku fótbóltsfjeppararnir vóru skotnir. (Mynd: Reuters/Ritzau Scanpix)