ST-felagsskapir mæla til vápnahvíld í Gaza

Tað boða UNDP, UNFPA, UNICEF, WFP og WHO frá í felags yvirlýsing, skrivar Reuters.  

20 bilar við neyðhjálp sluppu í gjár inn í Gaza úr Egyptalandi.  

Men hetta er als ikki nokk í mun til tann stóra tørvin, sum er, sigur talskvinna hjá ST, sambært DR. 

Sambært ST er tørvurin so stórur, at helst skulu eini 100 bilar sleppa inn í Gaza við neyðhjálp um dagin.  

Eisini amerikanski uttanríkisráðharrin, Anthony Blinken, hevur heitt á partarnar um at lata markið upp fyri neyðhjálp. 

Markið millum Gaza og Egyptaland  var í gjár bert opið eina løtu, og tí sluppu bert 20 bilar ígjøgnum.  

Hetta er fyrstu ferð i tvær vikur, at markið var opið.