Sambandsflokkurin mist tolið við landsstýrinum

Sambandsflokkurin hevur mist mótið um, at landsstýrið fer at gera nakað við tøkugjaldið og tøkugjaldsstigan, so at treytirnar at meirvirka laks gerast betri.

Tað sigur Magnus Rasmussen, tingmaður fyri Sambandsflokkin.

Regin Jacobsen, stjóri í Bakkafrosti, hevur sagt, at vandi er fyri, at 300 til 400 arbeiðspláss á Bakkafrosti detta burtur, tí tøkugjaldið ger, at tað ber seg ikki fíggjarliga at gera lidnar vørur.

Nú er Sambandsflokkurin sjálvur komin við uppskoti um at broyta lógina um tøkugjald.

Bakkafrost, Bakkafrost og integratión

Á virkinum hjá Bakkafrosti á Glyvrum.

Sambandsflokkurin sigur, at tøkugjaldið, og serliga tøkugjaldsstigin, eiga ikki at vera soleiðis, at tað ikki loysir seg fíggjarliga at meirvirka laks.

Tøkugjaldið fyri tann laksin eigur í mesta lagi at vera 7,5 prosent. Loftið í galdandi lóg er 20 prosent. 

Hoyr innslag í útvarpstíðindunum: