Danskir biskuppar frámæla virkna dyeðshjálp

- Samfelagið eigur ikki at kunna taka lívið av borgarum, stendur í fráboðanini, sum biskupparnir gjørdu semju um á teirra seinasta felags fundi.

Í útsøgnini undirstrika teir 10 biskupparnir, at hetta er á linju við stóra meirilutan í etiska ráðnum, sum eisini mælir frá at seta í verk virkna deyðshjálp.

- Vit óttast, at ein lógliggering av deyðshjálp fer at elva til eitt harðari ella kaldari menniskja- og samfelagssýn, skriva biskupparnir og vísa víðari á, at:

- Tað er avgerandi munur á at hava eitt samfelag, sum vil stuðla vónleysum og sjúkum fólkum við troyst og stuðuli at gera tað, sum er møguligt fyri at minka um pínuna, og at hava eitt samfelag, sum vil stuðla hesum við at taka lívið frá teimum.

Í staðin skjóta biskupparnir upp, at meira verður gjørt fyri at fremja teir møguleikar, sum finnast fyri doyggjandi, millum annað við at uppraðfesta palliativa viðgerð.