Gasa-geirin: 70 prosent av fólkinum rikin burtur heiman

Stórar mannamúgvur hava leitað sær friðskjól í støðum, sum als ikki eru ætlað at hýsa so nógvum fólki.

Sambært ST versna viðurskiftini alsamt dag fyri dag.

Dømi eru um, at bert tveir fermetrar eru til hvørt fólk, har tey hava leitað sær friðskjól.

Í einari flóttafólkalegu eru 600 fólk um eitt vesi, og tilburðir av smittusjúku, diaré og skáldkoppum eru skrásettir í túsundatali.  

Í krígnum, sum hevur vart í ein mánað, eru meira enn 10.000 fólk dripin í Gasa-geiranum higartil, siga heilsumyndugleikarnir í Gasa, har Hamas hevur valdið.