ES setur fleiri tiltøk í verk móti Russlandi

ES leggur nú seinastu hond á uppskotið um fleiri tiltøk móti Russlandi. 

Tað sigur uttanríkisstjórin í ES, Josep Borrell.

Hetta verður 12. pakkin av tiltøkum móti Russlandi. 

Atkvøðugreiðslan verður í morgin, og síðani fer uppskotið til ES-ráðið, har orðaskifti verður, og uppskotið skal góðkennast.

- 12. pakkin fevnir m.a. um bann fyri útflutningi fyri diamantar og tiltøk fyri at herða prísloftið fyri olju. Hetta verður gjørt fyri at minka inntøkurnar hjá Russlandi at selja øðrum, ikki okkum, olju, segði Borrell á tíðindafundi í gjár.

ES-sendifólk søgdu í síðstu viku við Reuters, at samveldið bíðar eftir grønum ljósi frá G7-londunum, so at farast kann víðari við diamantforboðnum.