HB setir nýggjan venjara

HB fer skjótt at kunngera nýggjan høvuðsvenjara.

Bolt.fo skrivar, at 58 ára gamli venjarin, Adolfo Sormani, skal standa á odda fyri sigursvanda felagnum úr Havn komandi kappingarár.

Italiumaðurin hevur umboðað millum annað Napoli og Parma sum spælari, og seinni hevur hann verið ungdómsvenjari í bæði Juventus og Napoli. 

Hann var hjálparvenjari í enska felagnum, Watford, fyri góðum tíggju árum síðan, og høvuðsvenjari í Vejle frá 2017 til 2019.

Adolfo Sormani avloysir Jákup Martin Joensen, sum var við til at tryggja HB Løgmanssteypið fyri tveimum vikum síðani.

Formaðurin í HB, Ransin N. Djurhuus, hevur onga viðmerking, men HB hevur bjóðað til tíðindafund klokkan 15 í dag, har nýtt venjaratoymi skal kunngerast.