Val í Hollandi í dag

Valhølini í Hollandi hava latið upp. 

Tilsamans 26 flokkar stilla upp til tjóðartingsval í dag.

Fýra flokkar liggja javnir í meiningakanningum, og eingin teirra verður nóg stórur til at vinna meirlutan, sum er 76 sessir, og skipa stjórn einsamallur.

Hildið verður, at samráðingar um stjórnarsamstarv byrja alt fyri eitt, sum valhølini lata aftur kl. 21 og seinastu veljarakanningarnar eru kunngjørdar. 

Tað er ikki óvanligt, at samgongusamráðingar í Hollandi vara í fleiri mánaðir, skrivar NRK.