Vápnahvíldin komin í gildi

Vápnahvíldin millum Hamas og Ísrael kom í gildi klokkan fimm okkara tíð í morgun, og hon varir í fýra dagar.

Í avtaluni um vápnahvíld er m.a. ásett, at gíslar frá báðum síðum skulu latast leysir, og at lastbilar við neyðhjálp og brennievni skulu sleppa inn í Gasageiran.

Í morgun skriva fleiri miðlar, at fyrstu lastbilarnir hjálparútgerð og við brennievni eru farnir um marknaliðið í Rafah og inn í Gasageiran.

Tørvurin á brennievni í Gasageiranum er stórur, millum annað hava sjúkrahúsini tørv á brennievni.

Tilsamans 130.000 litrar av diesel skulu flytast inn í Gasageiran hvønn dag undir vápnahvíldini, siga egyptiskir myndugleikar.

Eisini sleppa fýra lastbilar við gassi inn í Gasageiran um dagin undir vápnahvíldini.