Fíggjarlógarviðgerðin í dag

Í dag fer løgtingið undir at viðgera fíggjarlógina fyri 2014. Fyrsta viðgerð byrjar klokkan hálvgum 10.

Tveir dagar eru settir av til viðgerðina, og tingfundur verður aftur í morgin klokkan hálvgum 10.

Tá fyrsta viðgerð er liðug, fer uppskotið hjá landsstýrinum í Fíggjarnevndina.

Sambært uppskotinum verður hallið hjá landskassanum 250 miljó. kr. næsta ár.

Fíggjarmálaráðið hevur mett inntøkurnar at verða fýra milliardir og 611 milliónir.

Raksturin fer at kosta 45 milliónir minni enn tað, - men íløgur skulu gerast fyri 295 milliónir krónur, og tí verður hallið 250 milliónir.

Umframt tær 295 milliónirnar, sum eru settar av til íløgur næsta ár, verða 100 milliónir, sum ikki verða brúktar í ár, fluttar til næsta ár.

Tí vera 400 milliónir at gera íløgur fyri í 2014.

Fyri løgtingsfundin í dag fer Kaj Leo Holm Johannesen, løgmaður, at ráðføra seg við Uttanlandsnevndina um landgrunnin eystan fyri Grønland.