Hernaðarserfrøðingur: Ikki óvæntað at Ísrael ikki vil samráðast meira

Tað kemur ikki óvart á Peter Viggo Jakobsen, lektara á danska verjuháskúlanum, at Ísrael hevur tikið seg aftur úr samráðingunum í Qatar um eina fyribils vápnahvíld.

- Eg vænti, at tað fer at koma eitt longri stríðsstig nú, tí Ísrael hevur nøkur hernaðarlig mál, sum landið ætlar sær at røkka, sigur hann.

Talan verður tí ikki um nakra vápnahvíld fyribils, metir Peter Viggo Jakobsen.

Júst nú er Hamas meira til reiðar at samráðast, meðan Ísrael ætlar sær at raka Hamas á stríðsvøllinum, áðrenn landið er sinnað at gera eina roynd at fáa teir sløku 150 eftirverandi gíslarnar leysar, heldur hann. 

- At missa 150 fólk er nógv, men eg ivist onga løtu í, at um ísraelska stjórnin skal velja ímillum gíslar og at raka hernaðarlig mál, so velir landið tað síðsta, sigur Peter Viggo Jakobsen.