Kyndlagonga fyri vápnahvíld í Gasa

Í morgin klokkan 15 skipar bólkurin handan átakið: Samhugi við Palestinan fyri kyndlagongu í Havn til frama fyri varandi vápnahvíld í Gasa.

Skipa verður somuleiðis fyri innsavning av undirskriftum, stendir í fráboðan til miðlarnar í dag. 

Føroyskir politikarar eiga at úttala seg og ávirka støðuna, halda fólktini handan átakið, sum vísa á at Ísrael hevur dripið næstan 8.000 palestinsk børn hesar seinastu tveir mánaðirnar. 

"Neyðhjálparfelagsskapir á staðnum siga, at teir hava ongantíð áður sæð nakað líknandi. Vit kunnu ikki longur góðtaka, at Føroya fólkavaldu myndugleikar ikki úttala seg og gera sítt fyri at ávirka støðuna, har teir kunnu", siga fyrireikarirnir til kyndlagonguna og undirskrifts-innsavningina.

“Tað kann vera, at Føroyar er eitt lítið land við avmarkaðum møguleikum at ávirka altjóða stórpolitikk, men hetta snýr seg eisini um at vera á røttu síðuni av søguni. Vit ynskja ikki at vera tigandi áskoðarar til eitt fólkadráp,” siga fyriskipararnir. 

Fyrr í vikuni atkvøddi eitt stórt fleirtal av ST limalondunum fyri einari humaniterari  vápnahvíld í Gasa.

Avtalan er tó ikki bindandi og snýr seg einans um ein fyribils vápnasteðg, ið skal loyva bráðfeingis neyðhjálp inn í Gasa.

Kyndlagongan verður sunnudagin 17. desember kl. 15 og byrjar á Bursatanga.