Eldgosið liðugt

Líkt er til, at eldgosið í Íslandi, sum byrjaði mánakvøldið, er hæsað av.

Men enn er ov tíðliga at siga tað við fullari vissu, sigur Kristín Jónsdóttir í íslendsku veðurstovuni, við RUV.

Hon sigur, at enn ber ikki til formliga at boða frá alment, at eldgosið er liðugt.

Trýstið frá grótbræðingini er enn ov stórt, sigur hon.

Og ábendingar eru um, at grótbræðing er aftur farin at savnast. 

Fólk sleppa at vera í Grindavík frá klokkan sjey í morgun til klokkan fýra seinnapartin.