Russar tikið týdningarmiklan bý í Ukraina

Russar siga seg nú hava tamarhald á ukrainska býnum Mariinka eystarlaga í landinum.

Og hesum váttar ukrainski herovastin Valerij Zaluzhny, eftir at ukrainskir myndugleikar í gjár avsannaðu, at russar vóru um at taka býin.

Mariinka, er av mongum mettur at vera høvuðsvegurin inn í partvís-hersetta Donetsk-landslutin og hevur tí stóran hernaðarligan týdning.

Zaluzhny herovasti sigur, at støðan í Mariinka í mangar mátar minnir um stríði í Bakhmut. Býurin er fullkomiliga lagdur í oyði, og tað verður kríggjast frá vegi til veg, og ukriansku herdeildirnar hava nú tikið seg aftur til útjaðaran av býnum, har tær hava fyrireika nýggjar verjustøður.

Ukraina hevur bygt nógvar skansar í býnum, síðani russisku innrásina í Donbass og Krim í 2014, og tí er tað ein dyggur smeitur, at russar nú hava tikið tamarhald á býnum.