Nevndin hevur fund um kirkjuna 5. februar

- Vit mugu fyrst hava ein fund í byggi- og býarskipanarnevndini um møguligt endaligt byggiloyvi til Argja kirkju, og fyrr enn fundurin hevur verið kann eg einki siga nakað um, hvørja lagnu málið fær.

Tað sigur Tróndur Sigurðsson, formaður í byggi- og býarskipanarnevndini, eftir at málið nú aftur er beint í byggi- og býarskipanarnevndina.

Tróndur Sigurðsson

Tróndur Sigurðsson er formaður í byggi- og býarskipanarnevndini.

Hann vil ikki gera bandaða samrøðu, men vísir á, at nevndin hevur fund 5. februar.

Tó er hann alt annað enn sannførdur um, at málið endar her, og at tað ikki aftur verður lagt til støðutakan í býráðnum.

Býráðsfundurin samtykti í gjárkvøldið at beina málið aftur í byggi- og býarskipanarnevndina, sum býráðið heldur eigur endaligu avgerðina um eitt møguligt endaligt byggiloyvi.