Líkið av Navalnyj funnið

Blaðið endurgevur eitt starvsfólk innan sjúkraflutningstænastuna fyri at siga, at líkið liggur í líkhúsinum á einum sjúkrahúsi í býnum Salekhard.

– Navalnij dettur um, og tey royna at halda honum, og hann fær blá merki á kroppin. Hetta helst tí roynt hevur verið at fáa lív í hann aftur, men hann doyr av hjartaslagi, upplýsir keldan. 

Vanliga vera líkini á teimum, sum doyggja í revsilegum, útflýggjaði til rættarmedisiska myndugleikan, men av eini ella aðrari orsøk verður líkið av Navalnyj flutt beinleiðis í líkhúsið, sigur keldan og leggur afturat.

- Tað stóðu tveir løgreglumenn framman fyri hurðina til líkhúsið, har øll sjálvandi vildu vita, hvat hendi, hví hetta skuldi vera so loyniligt, og um roynt var at dylja sannleikan, sigur keldan sambært VG.no.

Russiskir myndugleikar hava áður upplýst, at Navalnyj doyði fríggjadagin, eftir at hann brádliga gjørdist sjúkur undir einum gongutúri.