Nú fæst dialysuviðgerð á Suðuroyar sjúkrahúsi

Fyrstu sjúklingarnir hava nú fingið dialysuviðgerð á Suðuroyar sjúkrahúsi.

Um hálvgum tólv tíðina fyrrapartin slapp Norðleif við Krógv, sum seinastu tíðina hevur verið ímyndin av dialysuviðgerðini,  í nýggju dialysuna á sjúkrahúsinum á Tvøroyri, eins og teir báðir, Niels Pauli Midjord og Magni Augustinussen, vanliga nevndur Maja.

Av tí at Norðleif við Krógv ikki hevur verið førur fyri at fara um suðuroyarfjørð fleiri ferðir um vikuna í dialysu á Landssjúkrahúsinum, hevur hann búð í íbúð í Hoyvík, men nú er hann fluttur aftur til Hvalbiar.

Dialysan á Suðuroyar sjúkrahúsi hevur verið ein tungur burður, tí eftir at tólini vóru sett upp á sjúkrahúsinum í heyst, tóku starvsfólkatrupulleikar seg upp.

Nú er ein loysn funnin, og í dag var fyrsti dagur, at sjúklingar fingu dialysuviðgerð á Suðuroyar sjúkrahúsi.

Dagur og vika fylgdu Norðleifi við Krógv, sum fríggjadagin endiliga kundi flyta heimaftur til Hvalba.