Høgni Hoydal: - Tað var ein feilur ikki at upplýsa um ognarlut í felag

Høgni Hoydal sigur, at tað var ein feilur, at hann ikki upplýsti, at hann átti í einum báti, sum millum annað hevur til endamál at reka ferðavinnu 

Felagið, hann eigur í, er smápartafelagið Boattours, sum eigur bátin Byssa, sum hevur til endamál at reka virksemi innan bátarakstur, ferðavinnu og annað. 

Tað eru tríggir menn, sum eiga hvør sín triðing í felagnum, Christian Nagata, Gunnar Djurhuus og Høgni Kartin Hoydal. 

Ætlar sær ikki at selja sín ognarlut

Landsstýrismaðurin hevur nú biðið um, at upplýsingarnir verða rættaðir.

Fleiri seta spurnartekn við gegni hjá Høgna Hoydal at umsita ferðavinnumál, tá ið hann sjálvur hevur persónlig áhugamál í ferðavinnuni. Sjálvur heldur hann ikki, at hann er ógegnigur.

Landsstýrismaðurin ætlar tó ikki sum nú er at selja sín part í smápartafelagnum Boattours.