Óluva í Gong er Ársins Brita

Óluva í Gong, forkvinna í Felagnum Føroyskir Sjúkrarøktarfrøðingar, er Ársins Brita 2024.

Tað var á tiltakinum, "Millum makligheit makt og mammon", sum var í Mentanarhúsinum í Fuglafirði í gjár á altjóða kvinnudegnum, at Óluva í Gong varð kosin til Ársins Britu.

Ársins Brita verður latið eini sterkari og framsøknari kvinnu, sum er djørv, stendur við sítt og við síni virðir.

Í dómsnevndini í ár vóru Tóra Effersøe Mortensen frá Kvinnu, Brandur Mortensen Nolsøe frá Javnstøðunevndini og Rønn Eliasen frá Fuglafjarðar kommunu.