Sirið Stenberg á ST-ráðstevnu um javnstøðu

Landsstýriskvinnan í javnstøðumálum, Sirið Stenberg, er í hesum døgum á altjóða ráðstevnu á ST-høvuðsborgini í New York. 

Á ráðstevnuni hittast heimsins leiðarar, sum varða av javnstøðumálum og hugsavna seg um høvuðsevnið, sum í ár er kvinnur og fíggjarlig javnstøða. Tí, skrivar Almanna- og mentamálaráðið: Vit vita, at kvinnur eru í serligum vanda fyri at vera í fátækraváða bæði altjóða, í Norðurlondum og í Føroyum.

Á ráðstevnuni í eru nógvir fundir og tiltøk. Millum annað fer Sirið Stenberg, saman við teimum norðurlendsku javnstøðuráðharrunum, á fund við UN Women Executive Director, Sima Sami Bahous.

Sirið Stenberg er eisini við pallborð saman við norðurlendsku javnstøðuráðharrunum í stóra ECOSOC-salinum hjá ST í dag.

Norðurlendska ráðharraráðið skipar fyri tveimum tiltøkum.

Annað er eitt serfrøðingapallborð um fíggjarligan harðskap, sum er ein álvarsliga stórur partur av tí skerda frælsi, sum kvinnur í fíggjarligum ófrælsi kunnu koma út fyri, og hitt er um fíggjarliga javnstøðu. 

Tiltøkini kunnu stroymast, og leinki til stroymig er á ammr.fo.