Løkke vil halda fram í breiðari samgongu

Hetta hóast einans 37,3 prosent av dønum nú stuðla donsku stjórnini hjá Mette Frederiksen, sum er ein samgonga millum danska Javnaðarflokkin, Vinstraflokkin og Moderatarnir

Danska samgongan millum Javnaðarflokkinum, Vinstraflokkin og Moderatarnir fær av at vita frá donskum veljarum, sum í seinastu veljarakanning geva samgonguni 37,3 prosent í undirtøku

Mynd: Ritzau / Scanpix

Emil Lisberg Jacobsen

16.03.2024 - 15:30

Danska samgongan millum Javnaðarflokkinum, Vinstraflokkin og Moderatarnir fær av at vita frá donskum veljarum, sum í seinastu veljarakanning geva samgonguni 37,3 prosent í undirtøku.

Tað er ein munandi afturgongd frá fólkatingsvalinum í 2022, tá samgonguflokkarnir fingu 50,1 prosent av atkvøðunum.

Men hóast misnøgdina hjá veljarunum sigur Lars Løkke Rasmussen, formaður í Moderatunum, at hann uttan at himprast hevði hildið fram við verandi samgongu, um tað bar til.

Lars Løkke Rasmussen

"Tað riggar í praksis, og eg vóni, at tað er nakað, sum heldur. Vit eru sum so eisini rímiliga væl avklárað við, at útgangsstøðið í næsta valstríði eisini fer at vera ein breið semja tvørtur um miðjuna," sigur Lars Løkke Rasmussen við poddvarpið Slotsholmen hjá DR.

Moderatarnir hava landsfund í Vejle í dag. Hetta er triði landsfundur hjá flokkinum, sum Lars Løkke Rasmussen stovnaði upp undir seinasta fólkatingsval. Tá vónaði hann, at flokkurin kundu gerast avgerandi fyri, hvussu danska samgongan fór at síggja út. Tað bleiv hann ikki, men Moderatarnir komu kortini í samgongu.