Grein 25-nevnd skal viðgera løn og eftirløn hjá løgtingsfólkum

Løgtingið viðgjørdi fyrrapartin uppskotið frá einum meiriluta í formansskapinum um løn- og eftirlønarviðurskifti hjá tingfólkum.

Grundarlagið undir uppskotinum er tilmæli frá eini uttanhýsis lønarnevnd. Broyttu lønar- og eftirlønarviðurskiftini verða galdandi fyri tey, sum verða vald á næsta løgtingsvali.

Uppskotið er beint í eina serliga grein 25-nevnd, har allir flokkar eru umboðaðir.

Bjørt Samuelsen, løgtingsforkvinna, er partur av meirilutanum í formansskapinum, sum legði uppskotið fyri tingið. 

Elsebeth Mercedis Gunnleygsdóttir

Elsebeth Mercedis Gunnleygsdóttur. (Mynd: Bjarni Árting Rubeksen)

Elsebeth Mercedis Gunnleygsdóttur, sum eisini er í formansskapinum, tók ikki undir við at leggja uppskotið fram.

Tá viðgerðin í tinginum var liðug, og málið beint í grein 25-nevndina, hitti Marjun Dalsgaard Bjørt Samuelsen og Elsebeth Mercedis Gunnleygsdóttur:

Fastir limir í grein 25-nevndini eru Eyðgunn Samuelsen, Beinir Johannesen, Steffan Klein Poulsen, Johan Dahl, Sólvit E. Nolsø og Hervør Pálsdóttir.