Herjólfur III ein dýr loysn

- Tað var ikki eitt mistak at senda Herjólf III av landinum, men tað er samstundis greitt, at tað er neyðugt við tveimum skipum á Suðuroyarleiðini.

Tað sigur Dennis Holm, landsstýrismaður í samferðslumálum, við tíðindaportalin in.fo.

Hann vísir á, at Herjólfur kostaði 35 milliónir um árið og varð bara brúktur til farmaflutning, so talan var um eina dýra loysn.

- Brúk er fyri einum skipi, sum kann flyta bæði fólk og farm. Fígging er tó ikki til at fáa nakað skip afturat í ár, sigur landsstýrismaðurin við in.fo.

Fríggjamorgunin stóðu einir 50 bilar eftir á Krambatanga og sluppu ikki við Smyrli, millum annað tí so nógvur farmur eisini skuldi norður.