Tekur 10 ár aftrat at gera kirkjuna lidna

Stóra kirkjan, Sagrada Familia í Barcelona, skal verða liðugtbygd í 2034.

Tað skrivar enska avísin, The Guardian.

Farið var í 1882 undir at byggja kirkjuna, sum arkitekturin Antoni Gaudi teknaði.

Hon er eitt sera væl umtókt ferðafólkamál og hevur hálvafimtu millión vitjandi hvørt ár.

Ætlanin var, at Sagrada Familia skuldi standa liðug í 2026, tá ið 100 ár eru liðin, síðani Gaudi doyði.

Men koronufarsóttin og aðrar seinkingar gera, at hóast tað nógva verður liðugt til ta tíð, verður alt arbeiðið ikki liðugt fyrr enn í 2034.