Hamas tekur undir við vápnahvíld í Gasa

Hamas bjóðar eini vápnahvíld vælkomnari, sum ein ST-samtykt hevur sett krav um í Gasa. 

Tað skrivar danska kringvarpið.

Hamas sigur samstundis, at hildið verður fast um krøvini  um vápnahvíld, sum vóru løgd fram 14. mars, veit miðilin Al-Jazeera at siga. 

Krøvini, sum vóru løgd fram tá, fevna um vápnahvíld, at Ísrael tekur seg aftur úr Gasageiranum, at palestinar, sum eru flýddir undan krígnum, sleppa heimaftur, og at fangar verða umbýttir.

Hamas krevur eisini, at Ísrael tekur síni herfólk úr Gasageiranum. 

Hesum kravi hevur ísraelska stjórnin víst aftur fleiri ferðir, skrivar miðilin Times of Israel.