Týski samveldiskanslarin til Kina

Týski samveldiskanslarin, Olaf Scholz, fer leygardagin til Kina, har hann m.a. skal hitta kinesiska forsetan, Xi Jinping.

Vitjanin hjá Scholz varar í tríggjar dagar, sigur talsfólkið hjá kanslaranum, Steffen Hebestreit, í dag.

Scholz skal hitta Xi, forseta, og Li Quiang, forsætisráðharra, í Beijing 16. apríl. 

Hann skal eisini hitta leiðarar fyri týskar fyritøkur í Kina, og halda røðu á lærdum háskúla í Shanghai.

Hetta er aðru ferð, at Scholz vitjar í Kina, síðani hann gjørdist samveldiskanslari.