- Tíðindi, mentan og ítróttur
26 fólk ruddaðu eitt hálvt tons av ruski í Kaldbaksbotni um vikuskiftið
26 fólk ruddaðu eitt hálvt tons av ruski í Kaldbaksbotni um vikuskiftið
503 kilo av ruski varð tikið upp og burturbeint í Kaldbaksbotni av fólkum frá donsku fyritøkuni Emendo Consulting Group
Mynd: Rudda Føroyar á Facebook
22.04.2024 - 10:26
Hálvt tons av ruski var ruddað í Kaldbaksbotni um vikuskiftið.
Tað boðar Rudda Føroyar frá á sínum facebook-vanga.
26 fólk vóru við í ruddingararbeiðinum.
Ruddingin í Kaldbaksbotni var gjørt í samstarvi við ferðaskrivstovuna GreenGate Incomming og donsku fyritøkuna Emendo Consulting Group, sum hevði sett seg í samband við Greengate, um at sleppa at rudda eitt øki í Føroyum.
Annika Arnsteinsdóttir Nielsen, samskiparin hjá Rudda Føroyar, fegnast um, at ferðavinnan kemur inn á hetta økið.
"Tað er eitt rák, har ferðafólk ynskja at gera okkurt gott fyri staðið, ið tey vitja, so tað er kærkomið," sigur samskiparin.
Annika_Arnsteinsdottir_Nielsen_Rudda_Foroyar_21042024
Næsta ruddingin verður 24. mai, og hon verður í samstarvi við Tórshavnar kommunu.
Tú kanst lesa meira á heimasíðuni hjá Rudda Føroyar, ruddaforoyar.fo.
Er kopiera
Nýggjastu sendingar í ÚV
Nýggjastu sendingar í SV
