Turbulensur kann koma óvart á flogskiparar

Herfyri var eitt flogfar hjá Singapore Airlines, sum fleyg úr London til Singapore, í ógvusligum turbulensi. 

Ein doyði og 30 vóru løstað, tá flogfarið datt 1800 metrar eftir fáum minuttum.

Eygnavitni hava greitt frá, at ruðuleiki valdaði í flogfarinum, og ferðafólk vórðu slongd úr stólunum.

Eisini eitt flogfar hjá Qatar Airways hevur verið í líknandi støðu.

Á ferðini úr Doha til Dublin kom flogfarið í turbulens, sum hevði við sær at seks ferðafólk og seks starvsfólk fingu skaða.

Singapore Airlines

Ikki upplivað nakað líknandi

Kurt Fossaberg er Flight Safety Officer hjá Atlantic Airways og arbeiðir við trygdini í sambandi við flogferðslu.

Hann sigur, at tey hjá Atlantic Airways ongantíð hava upplivað nakað, sum minnir um áður nevndu hendingar.

Kurt Fossaberg sigur, at um fólk sótu í trygdarbelti, hevði neyvan nakað hent.

Atlantic Airways, Airbus 320neo, Vága Floghavn, ferðafólk

Frítekst tagging: 

atlantic airways

Airbus 320neo

Vaga Floghavn

ferðafólk

Bjarni Árting Rubeksen

Sitið íbundin

Hyggjuráðini eru altíð at sita íbundin, tí turbulensur kann koma óvart á flogskipararnar.

Sjálvur hevur Kurt flogið í 36 ár, og hann hevur onkuntíð upplivað turbulens, hóast veðurkortini ikki hava bent á tað.

Jørðin hitnar, heit luft hevur meira orku í sær enn køld luft. Tí er okkurt, ið bendir á, at vit kunnu vænta fleiri líknandi hendingar í framtíðini.

Viðurskiftini um okkara leiðir eru tó øðrvísi enn sunnanfyri, og tí væntar Kurt Fossaberg ikki, at flogfør við Føroyar fara at koma í slíkar ógvusligar støður.