Grønland: Eingin fólkaatkvøða um sjálvstýri fyribils

Fólkaatkvøða verður ikki enn í Grønlandi um sjálvstýri.

Landstingið hevur viðgjørt tvey uppskot um fólkaatkvøðu skjótast gjørligt.

Men endin bleiv, at tey vóru løgd saman í eitt uppskot um, at fyrst verður gjørd ein neyv greining um sjálvstýri, áðrenn fólkið sleppur at taka støðu.

Hetta uppskotið var samtykt í landstinginum.

Greina í summar

Greiningin, ella frágreiðingin, skal gerast í summar, so hon er klár, tá landstingið kemur saman aftur í heyst.

Hildið verður, at ein fólkaatkvøða fer at kosta tvær milliónir krónur.

Teir pengarnir skulu vera í fíggjarlógini fyri 2025.
 
Ein annar møguleiki er at hava fólkaatkvøðuna saman við einum landstingsvali.