Øssur Kjølbro sóknarprestur í Norðoya vestara prestagjaldi

Øssur Kjølbro verður sóknarprestur í Norðoya vestara prestagjaldi.

Hann verður skipaður í embætið undir innsetingargudstænastu í Christianskirkjuni sunnudagin 16. juni.

Norðoya vestara prestagjald fevnir um Klaksvík, Norðoyri, Ánirnar, Haraldssund, Kunoy, Syðradal, Húsar, Mikladal, Trøllanes og Árnafjørð.

Sóknarpresturin er kirkjubókaførandi og jarðarferðarmyndugleiki.

Øssur Kjølbro byrjaði sum óløntur hjálparprestur í Eiðis prestagjaldi í 2018. Seinnu árini hevur hann verið virkandi sóknarprestur í styttri og longri tíðarskeið í fleiri prestagjøldum.