Donald Trump farin á Tik Tok

Donald Trump hevur stovnað sær ein brúkara á sosiala miðlinum TikTok, sum hann sjálvur royndi at banna í USA, tá ið hann var forseti. 

Vangin av Trump á TikTok var stovnaður í gjár, og eftir fáum tímum hevði hann fingið tvær milliónir fylgjarar, skrivar Reuters. 

Trump ætlar at brúka Tik Tok í valstríðnum upp undir amerikanska forsetavalið í heyst.

Joe Biden, forseti, er eisini á Tik Tok, hóast hann hevur skrivað undir eina lóg, sum setur forboð fyri Tik Tok-appini í USA.